EAJ - PNV

VITORIA-GASTEIZ. 2004ko MARTXOAREN 2a.  Arabako gizarte eta ekonomia arloetako ordezkariak EAJ-PNVren hautagaien ondoan egon ziren atzo Gasteiz erdiko hotelean izan zen ekitaldian.  Azken egunotan elur jasa handiak eta izotza izan arren, ez zen makala izan arabar gizartearen erantzuna.

Arabako Batzar Nagusietako eta Gasteizko udaleko ordezkariez gain hantxe izan ziren enpresa gizarte ,kultura eta kirol arloetakoak Arabako EAJren ondoan .

 Iñaki Gerenabarrena Araba Buru Batzarreko lehendakariak   ekitaldiaren aurkezle lana  egin zuen Madrilgo Legebiltzarrerako EAJ-PNVren Arabako hautagaiak aurkeztu zituen.

Paulino Corcuera, ganbera gorenerako hautagaiak arabar gizartearen  konfiantza eskatu zuen Senatuan Araba hitza entzun ahal izan dadin. Corcuerak Estatuko administrazioari  Arabako  baserri aldean bizi direnak engainatzea egotzi zion. Alde honek  babes eza egoera bizi du orain eta EAJren hautagaiak herrialdeak dituen beharrak azaldu zituen, Madrilen defendatuko dituenak hain zuzen ere.

Emilio Olabarria, Diputatuen Kongresurako  Arabako hautagaiak bere aldetik  Euzko Alderdi Jeltzaleak  PP alderdiak   sozialisten laguntzarekin eragin duen " hondamendi demokratikoa " konpontzeko  egingo duen esfortzua azpimarratu zuen.

PSOE alderdiaren jarreraren azterketa bera egin zuen EBBko lehendakaria den Josu Jon Imazek. Honek gogoratu egin zuen azken udaletarako hauteskundeetan EAJ-EA koalizioa izan zela  Araba osoan boto gehien jaso zuena, baina PSE alderdiak bere laguntasuna eskaini egin zuen Rabanera Ahaldun Nagusi  egiteko. Imazek gogorarazi egin zuen Alvaro Iturritxa EAJren bozeramailea izan zela boto gehien bateratu zituena.

Imazen berbekin eman zitzaion amaiera ekitaldiari , hitzaldiaren ostean koktel bat eskaini zen non hautagaiek eta arabar gizartearen ordezkariek iritziak eta inpresioak trukatzeari ekin baitzien.