EAJ - PNV

Radio Euskadiri eskainitako elkarrizketan, Urkulluk esan du espero duela azkenean Eusko Legebiltzarrean bake eta bizikidetzarako txostena egitea. Baieztatu duenez bere alderdia hori lortzeko prest dago.

Bere ustetan, Ganberan “modu okerrean” sortu da “polemika zentzugabe eta ez beharrezkoa”, “txosten bat, Parlamentuko legebiltzar taldeek osatutako lan taldea baita”.

"Nahastu egin dira duela denboratxoa, Aintzane Ezenarrok planteatu zuen ekimena eta iragan den asteko Osoko Bilkuran Patxi Lopezek eginiko komunikazioa” azaldu du.

EBBren presidenteak baieztatu duenez “ez dira gauza bera” eta konbentzituta agertu da Patxi Lopezek eta Eusko Jaurlaritzak “Aintzane Ezenarroren borondate eta gogoa erabili dutela”. Gogoratu duenez, iragan asteko Osoko Bilkura  Aralar taldeko legebiltzarkideak Lehendakariari ETAren bortxakeriaren amaieraren ostean eta Ganberan bere dekalogoa aurkeztu ondoren emango ziren urratsak ezagutzeko “egin duen galderaren ondorio” gisa etorri da.